Сакате сирење, но мора да внимавате кои видови почесто ги јадете

Иако сите сирења се вкусни, даваат богат вкус на јадењата, а може да се јадат и како мезе, сепак постојат некои видови што е препорачливо да се јадат, додека другите не се толку здрави, а некои може да бидат и опасни по здравје.

Јадете: Гауда

Вкусна, богата со витамин К, помага во одржување на цврстината и еластичноста на коските. Концентрацијата на витаминот К е сепак помала од онаа во листестите зеленчуци. Но, тоа не е причина да јадете од ова сирење, знаејќи дека правите добро за своето здравје.

Јадете: Рикота

Ова меко сирење со неутрален вкус има и до пет пати повеќе витамин Д од другите сирења, не е калорично и може да го користите за многу намени – од подготовка на сос, до крем за десерти или основа за здрав млечен намаз.

Јадете: Млада несолена урда (изварка)

Со младата урда внесувате многу здрави протини, витамин Б, здрави масни киселини и што е најважно, сето тоа проследено со малку калории. Може да се користи и за подготвување на чизкејк.

Јадете: Козјо сирење

Витамини А и Б, калциум, калиум, железо, но и многу помалку лактоза споредено со други сирења. Одлично за оние кои се грижат и за чиста околина. Можете да го јадете и во благи и во солени комбинации.

Јадете: Сино сирење (Рокфорт)

Ова сирење се прави во специјално контролирани услови. Потекнува од Франција и е одличен извор на антивоспалителни состојки, но исто така покажува и антивоспалителни својства кога реагира со желудочната киселина и ензими.

Избегнувајте: Маскарпоне

Освен што е фенси состојка на чизкејк и се продава по доста висока цена, во него нема ништо здраво, туку баш напротив, содржи премногу масти, а малку млеко и млечни бактерии. Заменете го со нискомаслена рикота.

Избегнувајте: Чедар

Одлично се топи во сендвич или пица и има навистина примамлива боја. Сепак, вистината е дека за да се постигнат овие својства додадени се многу вештачки состојки и сол, а премалку е останато од корисните материи.

Избегнувајте: Гријер

Иако ова сирење е богато со протеини и калциум, содржи и премногу калории. Само едно парче содржи 200 калории и 18 грама масти. Со додавање на парче гријер во сендвич внесувате една четвртина од дневната потреба за масти. Вистината е дека никогаш не е само едно тенко парче во прашање и дека може да изедете и до 1000 калории повеќе во еден оброк.

ПОВРЗАНИ ВЕСТИ

e