Универзитетот во Лондон спровел истражување во кое учествувале 40.000 работници, по кое е донесен заклучок дека прекувремената работа и работата за викенд го зголемуваат ризикот за развој на депресија. Жените се поподложни на депресија како последица на прекувремена работа.
Жените кои работеле повеќе од 50 работни часови имале 7,3% зголемен ризик за депресија, додека оние кои работеле за викенд имале 4,6% понагласени симптоми за разлика од останатите, кои не работат во сабота и недела.
Најзагрозени се оние кои покрај прекувремената работа, пушат цигари и имаат ниски примања, како и оние кои не се задоволни со условите на работното место.
Мажите покажале понизок процент на депресивност. Истражувачите се надеваат дека овие резултати ќе придонесат и во зачувувањето на менталното здравје на работниците, како и за подобрување на положбата на жената на работното место.