Веќе сите знаеме дека најголеми непријатели на габичните инфекции се белото брашно, белиот шеќер и млечните производи, освен јогуртот и кефирот.
Секако, при габична инфекција е потребна и терапија, но вие можете да го подобрите дејството со соодветна исхрана.
Најпрво, треба да консумирате храна со низок процент на јаглехидрати, како што се пилешкото и мисиркиното месо, морската храна, јатките и нескробните зеленчуци.
Недозволени се белиот шеќер, сахарозата, фруктозата, малтозата, гикогенот и сите останати шеќери кои ги има во десертите. Истото важи и за овошјето, особено сушеното и конзервираното.
Исфрлете од исхраната и производи со квасец, но и оние кои содржат оцет. Очигледно, треба да ги исфрлите и печурките. Кикириките и ф’стаците исто така треба да се избегнуваат.
Алкохолот исто така може да го стимулира размножувањето на габичките, затоа треба да го исфрлите во секоја можна варијанта.
Наместо кафе и црн чај, пијте вода и билни чаеви. Месните производи се дозволени, освен сувомеснатите, саламите и конзервираните месни продукти.
Ограничено внесувајте сирења со ниска содржина на лактоза и пијте немасен јогурт кој содржи поволни бактерии.
Од овошје најдобро е само лимон и тоа разреден со поголема количина вода. Од зеленчук, како што веќе споменавме, исклучете ги скробните продукти, а користете такви со висок процент на растителни влакна, како што се мешунките, брокула, зелка…
Во умерена количина можете да консумирате ориз, но само интегрален, а белиот да го избегнувате.