Сигурно ви е добропозната ситуацијата кога ќе ви се појават лоши мисли од типот „Се плашам дека тешко ќе се разболам и ќе умрам“, а кога постојано размислувате за тоа, го зголемувате и вашиот страв.
Без разлика дали опасноста е реална или не, по таквите мисли во вашето тело се активира центарот за страв кој ја произведува стресната реакција во телото. Во телото се лачат хормони на стресот: кортизол, адреналин и норадреналин кои телото го подготвуваат за ситуацијата „бори се или бегај“(fight or flight).
Амигдалата (мала жлезда во лимбичкиот систем) соработува со дел од мозокот кој се нарекува таламус и ги прима информациите, потоа со хипокампус- кој помни и со церебрален кортекс, во кој се одвива нашето размислување.
Поради ова може да станете преплашени и анксиозни.
Стресот и стравот се причина за многу заболувања
Во денешно време сме постојано под стрес. Но дали воопшто знаете што е тоа стрес? Стресот не е ништо друго туку спој од страв, грижа и анксиозност. Секогаш кога сте во стресна ситуација, станувате сè почувствителни на страв.
Кога чувството на страв ќе излезе од контрола, тогаш им отворате пат на различните заболувања.
Затоа, кога ќе се појави стравот заменете го со позитивни емоции- љубов, благодарност, чувство на поврзаност и слично. Уверете се себеси дека на крајот на краиштата сè поминува и дека ќе бидете добро. Кога вашето тело е опуштено, се активира механизмот кој ве штити од болести.
Како да ги ублажите нападите на анксиозност?
Овие совети ќе ви помогнат полесно да се справите со нападите на анксиозност.
1. Дишете длабоко
Иако звучи како клише, длабокото и лесното дишење е всушност првиот чекор во надминување на секој вид стрес, напад на паника и на анксиозност. Затворете ги очите, длабоко вдишете и издишете. Повторете го ова неколку пати.
2. Чаша вода
Недостатокот на течности во организмот, покрај големиот број нуспојави, меѓу другото предизвикува и зголемено ниво на стрес, а ние не сме ни свесни за тоа. Пијте доволно вода, особено во вакви ситуации.
3. Полека избројте до 10
Моќта на броењето навистина има антистресно дејство. Освен што го намалува нивото на бес и лутина, овој мал трик помага и при напади на анксиозност.
4. Убедете се дека нема од што да се плашите
Откако ќе ги затворите очите и ќе почнете со длабоко дишење говорете си себеси дека всушност не ви е ништо и дека сè си замислувате во вашата глава. Потоа моменталната ситуација ќе мине и вашиот страв од кој не произлегува ништо добро може само да ви одмогне во надминувањето на ситуацијата. Кажете си дека нема од што да се плашите или нема да ви се случи нешто лошо, полесно ќе го надминете ова ако успеете да се смирите себе. Мислете на нешто што ве смирува, на пример пуштете си музика која на вас има смирувачки ефект и набргу ќе се почувствувате подобро.