Грејпфрутот е чудесен плод кој има многу лековити својства. Но, освен што е ѕвезда кога станува збор за хранливите вредности, овој цитрус се користи и во козметиката.
Постојат три вида грејпфрут – жолт, розов и црвен. Розовиот и црвениот грејпфрут се нутриционистички побогати од жолтиот, содржат поголеми количини на биоактивни соединенија и се побогати со антиоксиданти. Но, покрај тоа што е богат со хранливи материи, грејпфрутот е малку калоричен, што го прави омилена и пожелна храна во секојдневната исхрана.
Хранливи материи
Еден грејпфрут со умерена големина содржи дури 110% од потребниот дневен внес на витамин Ц. Затоа, тој носи титула силен заштитник на имунитетот. Грејпфрутот е исто така богат со витамин А, кој е неопходен за здрав вид и раст и развој на коските. Витаминот А е исто така неопходна состојка на козметичките производи за намалување на брчките и нега на кожата. Покрај горенаведеното, грејпфрутот содржи и витамини Д, Б, К и Е, како и минерали; фосфор, цинк, калциум, магнезиум и железо. Биофлавоноидите присутни во грејпфрутот помагаат во санирање на оштетените капилари и вени. Тие се моќни антиоксиданти и, според некои истражувања, имаат силно антитромботично дејство. Грејпфрутот е богат со фолна киселина, што е првенствено неопходно во бременоста, бидејќи обезбедува правилен развој на фетусот.
Здравствени придобивки на грејпфрут
Многу научни студии покажаа дека грејпфрутот има корисен ефект врз човечкото тело. Редовната консумација на грејпфрут го намалува ризикот од многу болести, од кои некои се кардиоваскуларни болести, третира астма, артритис, го ублажува заморот, нервозата и раздразливоста, ја ублажува депресијата, спречува остеопороза и Паркинсонова болест и штити од многу видови тумори.
Го забрзува метаболизмот и го зголемува имунитетот
Грејпфрутот е одличен во зајакнувањето на имунитетот бидејќи е богат со витамини А и Ц, кои помагаат во закрепнување и имаат антиинфламаторно дејство. Тоа е совршена храна за активирање и забрзување на метаболизмот, истовремено обезбедувајќи му на организмот големи количини енергија и ги елиминира штетните соединенија од организмот. Докажано е дека редовната консумација на грејпфрут спречува и ублажува запек, како и многу други дигестивни нарушувања.
Помага при дијабетес тип 2
Се покажа дека грејпфрутот го регулира нивото на инсулин и нивото на гликоза во крвта и затоа се препорачува за секој што има проблем со шеќер во крвта.
Помага при слабеење
Благодарение на калиумот и ензимите, грејпфрутот го стимулира согорувањето на мастите. Исто така, ова агрумско овошје има многу мала калориска вредност, во еден грејпфрут има помеѓу 70 и 80 калории. Затоа, ако сакате да изгубите тежина, вклучете сок од грејпфрут или грејпфрут во вашата исхрана.
Ја штити кожата од стареење
Покрај видот, витаминот А, со кој е богат грејпфрутот, е одличен во борбата против разни кожни болести како акни, егзема и псоријаза. Антиоксидансите во него се одлични за одржување на младешки изглед и помагаат во борбата против брчките и другите знаци на стареење.
Заштитува од тумори
Лимонинот и ликопенот, со кои изобилува, го прават совршен борец против разни видови на рак. Докажано е дека тие помагаат да се спречат карциномите на простатата, дојката, грлото на матката, белите дробови, цревата, фаринксот и хранопроводот.