На социјалната мрежа Твитер се појави снимка на која претседателот на Русија, Владимир Путин седи во публика, а Володимир Зеленски стои на сцена и се шегува на негова сметка.
Early 2000s. "KVN", the famous Russian comedy competition TV show.
Volodymyr Zelensky, the captian of team "Block 95" from his native Kryvy Rih, makes a mild joke at Putin's expense. https://t.co/YQenIctcY8— Slava Malamud 🇺🇦 (@SlavaMalamud) March 26, 2022
Снимката, која овие денови предизвика големо внимание на интернет, настанала на почетокот на 2000-те и делува сосема нереално. Рускиот новинар Слава Маламуд на Твитер објаснил што точно се случува на видеото.
Зеленски многу благо се пошегувал со Путин, а трикот бил во писмата што ја преплавија Русија во 1990-тите. Тогаш на луѓето им пристигнувале писма во кои ги замолувале да ги копираат деветпати и да ги испратат за да имаат среќа.
„Путин неодамна доби писмо во кое пишува „пребројте“ ја вашата популација деветпати и ќе бидете среќни“, рекол Зеленски на сцената.
Публиката на тоа реагирала со смеа и аплауз, но Путин не бил претерано воодушевен. Маламуд додава дека Зеленски сакал на сцената да каже дека Путин засекогаш ќе остане на чело на Русија, но и дека сакал да го ‘боцне’ поради големиот пад на населението во Русија, кој е забележан во тие години.
Видеото на кое Зеленски е на сцена како комичар, додека рускиот претседател седи во публика, е направено во популарното руско натпреварувачко шоу на млади комичари КВН, а Зеленски долги години бил капитен на тимот од родниот град.