Воглавно се наздравува за среќа и здравје, но народните верувања велат дека тоа никогаш не треба да го правите со вода.
Можете да наздравите со кој било алкохолен пијалак, или дури и со сок, но се верува дека водата е апсолутно забранета.
Коренот на овој обичај потекнува од антиката бидејќи старите Хелени верувале дека кога човек ќе умре, неговата душа оди во подземниот свет, познат како Ад, истото име кое го имал и богот на подземниот свет и брат на Ѕевс и Посејдон, кој всушност и владеел со ова мрачно место.
Во Адот се наоѓала тажна рамнина обрасната со бледи диви цвеќиња. Низ оваа рамнина течеле пет реки: Леден Стикс – река на омразата, Ахерон – река на болката, Кокитус – река на оплакувањето, Флегетон – огнената река и Лета – река на заборавот.
Кога душата на покојникот доаѓала во Адот, прво пиела од Лета за да го заборави минатото и страдањата во претходниот живот. Оние кои верувале во реинкарнација верувале и дека душите пијат од оваа река за да го заборават претходниот живот и да бидат подготвени за новиот.
Затоа не се наздравува со вода, бидејќи водата асоцира на заборав.