Орхидеите се сметаат за најубавата домашна билка. Нивните прекрасни цветови ги разубавуваат домовите и го подобруваат расположението. Но, орхидејата истовремено важи и за најкомплицираното растение за одгледување.
Кога ја купуваме, таа е во полн цвет, но при најмала грешка – сите цветови паѓаат. Просечната должина на цветањето трае околу 3 месеци. Обично цвета два или трипати годишно. Паузата меѓу цветањето може да биде и неколку месеци.
Доколку имате орхидеја без цветови, мора да го направите ова:
– создадете температурна разлика, преку ноќ оставете ја на постудено место, на околу 15 степени Целзиусови,
– додадете фосфор, стимулира цветање,
– влажнете го воздухот околу билката,
– преместете ја 5 дена на темно место. За три недели орхидејата треба да пушти нови пупки. Овој начин е погоден единствено за здрави билки,
– наместо залевање со вода се препорачува да ставите коцки лед, така побрзо ќе процвета.
– ако забележите дека кај нерасцветана орхидеја активно растат корења или листови, значи дека има добар начин на развој. Додека овој период не заврши, билката нема да процвета. Бидете трпеливи.
Најважно е да ја обезбедите соодветната нега. Орхидејата сака многу светлина, не сака претерана влага. За време на цветањето се залива по малку два пати неделно, а за време на мирување доволно е еднаш неделно.