Иако изгледот не кажува многу за карактерот на една личност, многумина имаат тенденција да формираат мислење за другите врз основа на нивниот изглед, а некои тоа го прават на основа на хороскопскиот знак.
Еве како астрологијата го обликува мислењето на другите луѓе:
Овен
Однадвор изгледа како вистинска флегма и на прв поглед делува многу незаинтересирано. Личностите родени во овој хороскопски знак се опуштени, смирени и ладни. Сепак, тие не се толку тивки одвнатре бидејќи сакаат да се натпреваруваат и склони се кон лидерски улоги. Со предизвиците се среќаваат со страсна желба за докажување и без оглед на тоа колку и да изгледаат пасивно, не треба да им замерувате.
Бик
Биковите не сакаат да изгледаат мрзеливо и неуредно. Тие секогаш се уредни и се трудат да изгледаат убаво во секој момент. Сепак, тоа не значи дека се претенциозни иако многумина имаат такво мислење за нив сè додека не ги запознаат. Нивната потрага по совршенство не е знак за ароганција и личностите родени во овој хороскопски знак не ги гледаат другите од високо.
Близнаци
Луѓето ги гледаат Близнаците како слободоумни личности бидејќи лесно ризикуваат. На личностите родени во овој хороскопски знак не им е грижа дали облеката која ја носат им се допаѓа на другите и тие отворено го кажуваат она што го мислат. Но, и покрај таа отвореност и смелост, Близнаците се навистина многу чувствителни, па дури и раздразливи луѓе. Тие се борат со различни струи и не знаат што сакаат. Иако ја негуваат својата дива страна, тие се понежни отколку што изгледаат.
Рак
Припадниците на овој хороскопски знак се чувствителни и внимателни. Тие внимаваат на другите и се трудат да им покажат на своите најблиски колку им значат. Раковите секогаш обрнуваат внимание на своите зборови и се облекуваат едноставно, но пристојно. Тие се силни личности, но ако ги испровоцирате, ќе ви ја покажат агресивната страна. Не се себични и нема да ве напуштат.
Лав
Лавовите се гласни и горди поединци кои се соочуваат со предизвиците без никакво двоумење. Секогаш го кажуваат тоа што го мислат, а нивниот изглед пренесува јасна порака. Лавовите ја следат својата интуиција и се покреативни отколку што изгледаат. Обично се вешти во нешто интересно како што е готвењето, плетењето или било која уметност која им одговара, но својата креативна страна ја чуваат понастрана од погледите на другите луѓе.
Девица
Внимателните Девици се постојано во движење и самите си поставуваат премногу обврски. Овие фигури се впечатливи со својот изглед и секогаш се уредни, што прави да изгледаат строго и недостапно. Но, Девиците сакаат да се забавуваат кога ќе проценат дека можат да си го дозволат тоа. Штом ќе стапнат на подиумот, целиот свет е нивен. Ќе ве честат со пијалаци и ќе ве охрабруваат да лудувате заедно со нив до зори.
Вага
Вагите се секогаш блескави, полни со ентузијазам, сакаат живописни бои и поради тоа сите ги сметаат за позитивни личности. Меѓутоа, личностите родени во овој хороскопски знак обично се почувствителни отколку што изгледаат, но иако се емотивни, нема да дозволат ништо да им ја расипе забавата. Лесно се вклопуваат со останатите и секогаш се воочливи.
Шкорпија
Личностите родени во овој хороскопски знак се жестоки и многу страсни. Тие се гладни за живот, се облекуваат по свој вкус и сакаат да се истакнуваат. Можеби изгледаат интензивно и напнато, но всушност се многу опуштени и не се грижат за проблемите што не ги засегаат.
Стрелец
Стрелците се оптимисти и имаат слободен дух. Тие го прават тоа што го сакаат и не сакаат другите да ги спречуваат на тој пат. Припадниците на овој хороскопски знак носат забавна облека со мотиви од природата и културата. Тие сакаат да патуваат, а разноликоста на светот ги инспирира да се облекуваат така. Меѓутоа, тие ја негуваат структурата и рамнотежата. Пред заминување на забава, прво ќе се погрижат сè да е во ред, но таа особина добро ќе ја скријат.
Јарец
Јарците се одговорни и зрели личности. Тие имаат тенденција да го избалансираат животот и планирањето. Нивната облека не е блескава, но се трудат да се истакнат. Јарците имаат одлична смисла за хумор и внимателно бираат кому ќе му се отворат.
Водолија
Водолиите се високоинтелигентни личности и сакаат да зборуваат за посложени теми, а разговорот го поткрепуваат со информации и со факти. Ако патувате со нив, Водолиите ќе ви ја раскажат целата историја на таа дестинација, ќе ви кажат кои знаменитости треба да ги посетите, каква е политичката состојба итн. Овие поединци се облекуваат квалитетно и понекогаш оддаваат впечаток дека се над другите. Многу се великодушни и ќе направат сè што е во нивна моќ да ви помогнат. Но,тој квалитет не е толку едноставен за сè.
Риби
Рибите ја кријат својата убавина. Тие се креативни и експресивни личности кои ја сакаат уметноста, но и сè останато што вклучува имагинација. Рибите се многу чувствителни и секогаш обрнуваат внимание на туѓите чувства. Тие се облекуваат многу креативно, но се многу поорганизирани отколку што изгледаат. Рибите во целост ѝ се посветени на својата страст и навистина се фокусирани на своите цели.