Воодушевени сте од бујните кадрици на девојките чии фотографии ги гледате на социјалните мрежи, погледнавте неколку упатства, ја виткавте косата, излеговте и таа се исправи?
Ако одговорите да на претходното сценарио, постои голема можност да сте направите грешка во чекорите при виткање на косата. Инвестирање еден час или повеќе, за да имате совршена фризура, во никој случај не треба да заврши со сфаќање дека сте го потрошиле тоа време. Ви ги пренесуваме причините зошто вашите кадрици се исправаат по краток временски период.
5 причини зошто вашите кадрици не се трајни
Не користите добри алатки
Постојат различни видови на виткачи за коса, но кој и да го изберете, треба да бидете сигурни во неговиот квалитет. При избор на виткач, разгледајте ги сите опции, разгледајте ги рецензиите и консултирајте се со експерти. Ако веќе имате виткач и се сомневате дека тој е причина за лоши и непостојани кадрици, размислете да го замените.
Не правите подготовки
Пред да го земете загреаниот виткач во ваши раце, подгответе ја косата за загревање. Спреј за заштита од топлина ќе ви помогне и можете да користите пена за подолготрајни кадрици. Исто така, не заборавајте дека откако ќе заврши работата, можете да додадете лак за коса што дополнително ќе ја зајакне завитканата коса.
Вие не ја одделувате косата
Поделбата на косата во прамени е неопходен дел од виткањето. Ако имате многу коса, многу е лесно да заборавите некој дел, затоа бидете внимателни при разделбата. Исто така, експертите велат дека постои ред на виткање на косата. Прво извртувајте ги прамените што се наоѓаат на горниот дел од главата, а потоа оние надолу.
Извртувате во погрешна насока
Кога ја виткате косата од краевите до скалпот, краевите добиваат поголема топлина од виткачот. Ова значи дека кадрици се најсилни на дното и дека ја повлекуваат останатата коса надолу затоа што се потешки. Ова придонесува за побрзо исправување на косата. Затоа, ако сакате вашите кадрици да траат подолго, извртувајте ги од скалпот до краевите.
Имате чиста коса
Чистата коса нема да ја задржи истата сила како и косата која е малку масна. Кадрици најдобро се прават вториот или третиот ден откако ќе ја измиете косата. Ако вашата коса е видливо мрсна во скалпот, можете да користите сув шампон за да направите фризурата да изгледа уредно и поубаво.