СЗО: Делта-сојот стана доминантен над сите претходни варијанти

Другите три загрижувачки варијанти – алфа, бета и гама, кои сега претставуваат помалку од еден процент од сите случаи на заразени.

„Загрижувачката“ делта-варијанта на коронавирусот, присутна во 185 земји низ светот, ги замени другите три загрижувачки варијанти – алфа, бета и гама, кои сега претставуваат помалку од еден процент од сите случаи на заразени, соопшти вчера Светската здравствена организација (СЗО).

Сите вируси, вклучувајќи го и САРС-КоВ-2, кои го предизвикува ковид-19, мутираат со текот на времето.

Појавата на варијантите кон крајот на 2020 година, што претставуваше зголемена закана за глобалното јавно здравје, ја натера СЗО да означи варијанти што треба да се „следат“ и други „загрижувачки“ варијанти, со цел да се даде приоритет на набљудувањето и истражувањето на глобално ниво.

„Делта-варијантата сега преовладува. Всушност, помалку од еден процент од моментално достапните секвенци се загрижувачките варијанти – алфа, бета и гама“, објави директорката на техничката екипа на СЗО за ковид-19 на социјалните медиуми.

Овој вирус, додава таа, стана посилен, полесно пренослив и ги замени другите вируси, прецизирајќи дека тој е присутен во 185 земји.

СЗО одлучи да ги именува варијантите што треба да се следат и се загрижувачки, според буквите од грчката азбука, со цел да се избегне каква било стигматизација на една земја ѝ да и се овозможи на јавноста полесно да ги изговара.

Во моментов, СЗО ги смета овие четири варијанти како „загрижувачки“.

Организацијата досега сметаше дека треба да се „следат” пет други варијанти (ета, јота, капа, ламбда и му). Но, засега три варијанти (ета, јота и капа), се отстранети од списокот, велат од СЗО.

ПОВРЗАНИ ВЕСТИ

e