За само две и пол години успеавме да отпочнемe со градба на два круцијални објекти за Министерството за внатрешни работи на Република Северна Македонија, пишува утрово на својот ФБ профил министерот за внатрешни, Оливер Спасовски.
Се работи за ИКТ Центарот за складирање и заштита на податоците, за опоравување од катастрофи и обезбедување континуитет во работата во Прилеп и нов објект наменет за Одделот за криминалистичко технички испитувања и вешташења со современа форензичка лабораторија на МВР во Скопје.
Тој изрази благодарност за безрезервната поддршка на пријателите од Европската Унија и од Европската Комисија, без чија што помош не ќе можевме толку брзо и темелно да ги спроведеме овие, за нас големи и значајни проекти.