Законското решение предвидува не само нови вработувања во собраниските служби на годишно ниво, туку и унапредувања на некои од постојните со цел нивна поголема ефикасност и стручност, беше речено на седницата. Според измените, ќе се формира собраниски совет како стручно помошно тело на генералниот секретар на Собранието со единствена функција – да прави прецизна анализа за функционалноста на собраниските служби, а Планот за годишно вработување ќе го предлага генералниот секратар во согласност со буџетскиот совет на Собранието.
Претседателот на Собранието, Талат Џафери во кусото обраќање пред гласањето им се заблагодари на сите 123 пратеници за заложбата да донесат заедничко решение.
– Досега иако формално независно Собранието беше целосно зависно од владата финански. Измените се од исклучитело значење за службите на Собранието кои работат за донесување на најважните политички процеси, кажа Џафери.