Вицепремиерот за борба против корупција Љупчо Николовски денеска оствари средба со претседателот на Судскиот совет Киро Здравев на која заеднички ја потенцираа важноста од взаемната соработка и поддршка во борбата против корупцијата и криминалот.
„Владата на Република Северна Македонија ја цени независноста на судството и тоа претставува наш врвен приоритет. Од особена важност е градење на политики во насока на зголемување на независноста, ефикасноста и капацитетите на судскиот совет и судската власт во целина.“ – порача Николовски по средбата.
„Ќе воспоставиме транспарентна и отворена комуникација како и размена на информации со цел навремено и ефикасно решавање на предметите на граѓаните.“ – рече Николовски.