Министерот за земјоделство, шумарство и водостопанство Љупчо Николовски денеска присуствуваше на традиционалното Карневалско дефиле по повод Тиквешки гроздобер во Кавадарци.
-Нашето македонско грозје, македонските сортни вина се препознатлив печат на нашата земја во светот. Поддршката што како министерство ја даваме за лозарите и винариите е историска, преку зголемување на откупната цена на грозјето за 30%, рече министерот Николовски оттаму.
Тој, исто така, потенцираше дека Република Северна Македонија е втора во регионот по извоз на вино, а 29 во свет.
-Ова е доказ за успешните мерки и политики што како министерство ги водиме. Нека е со среќа гроздоберот. Посакувам кошни полни квалитетотно грозје од кое ќе се произведе квалитетно македонско вкусно вино, надалеку прочуено, и извезено низ целиот свет, порача Николовски.
