Денес, министерот за земјоделство, шумарство и водостопанство, Љупчо Николовски е во посета на Кочани, градот кој што е симбол за производство на македонски ориз со врвен квалитет.
– Со денешното официјално зажнејување и официјално ја започнуваме годинешната жетва на оризот. Манифестацијата “Денови на кочанскиот ориз”, на која присуствувам заедно со кинеската амбасадорка во Македонија Лин Лисјен и унгарскиот амбасадор Ласло Дукс, е добар начин да се потсетиме на далеку познатиот кочански ориз и да дадеме поддршка во неговиот пласман во и надвор од границите на Македонија, потенцира министерот Николовски.