Од денеска започнаа подготвителните активности за изградбата на новата Детска градинка во новата населба во поранешната Касарна во Струмица.
Објектот ќе се гради на површина од 1443 м² со приземје и кат и ќе располага со капацитет за 300 деца. Проектот е финансиран од Министерството за труд и социјална политика, а предвидениот рок за изградба е 16 месеци.
Новата градинка ќе биде изградена по најсовремени стандарди за згрижување на деца од предучилишна возраст и со неа ќе се реши проблемот со недостиг на капацитети во клоновите на градинката „Детска радост“ во Струмица.
Извор: СтрумицаНет