Непознати лица го претепале 70 годишниот Јосе Петров од струмичко Градашорци оти пријавил дрвокрадство во атарот на селото Варварица каде чува пчели. За насилството сведочат повредите во главата но и по целото тело што ги добил Петров од насилниците. Тврди дека останал жив благодарение на пријателите со кои ја чекал шумската и цивилната полиција да ги фатат крадците на дело кои вршеле нелегална сеча во семејната корија.
„Еден од нив од задната страна ме удри со дрво по главата и јас паднав на земјата. Едвај ги отргнаа напаѓачите едвај преживеав. Ме нападнаа затоа што сум пријавил дрвокрадство во шумската и цивилната полиција“, вели Јосе Петров – пчелар во Варварица.
Среќен е што останал жив но вели дека мора правдата мора да излеза на виделина и надлежните да ги засилат контролите оти дрвокрадството во тој шумски предел добива на интензитет. Тој сега се плаши да отиде на пчеларникот.
„Во Варварица има многу кражба, а овластените лица не можат да ги запрат. Сега се плашам да отидам кај пчеларниците“, вели Јосе Петров – пчелар во Варварица.
Инцидентот Петров го пријавил кај надлежните откако му биле санирани повредите во болницата. Од полиcијата велат дека работат на целосно расветлување на случајот . По земените изјави на оштетниот откриен е идентитетот на насилниците и против нив ќе се поднеста пријави за физички напад.
Извор: 24ТВ