Иако добро знаеме дека кремите со заштитен фактор се задолжителни и дека сонцето треба да се избегнува кога е најсилно, се случува понекогаш да изгориме. Без разлика дали сте во град или на море, постојат некои домашни решенија кои ќе ја смират вашата кожа и ќе помогнат да се регенерира побрзо.
Ладна вода
Изгорениците од сонце всушност се воспаление на кожата. Најлесен начин за негово лекување е ладење на погодената област. Како еден од ефикасните начини да им помогнете на изгорениците веднаш, дури и додека сте уште надвор, е да скокнете во водата, без разлика дали е море, езеро или поток. Внимавајте со базените, бидејќи хлорираната вода во одредени ситуации може уште повеќе да ја иритира кожата.
Треба да се избегнува директно нанесување на мраз. Иако изгледа привлечно кога вашата кожа гори, тоа всушност може да направи уште поголема штета на вашата чувствителна и изгорена кожа од сонце.
Може да се обидете да влезете во бањата за да ја изладите и смирите кожата.
Сода бикарбона и овес
Во када полна со ладна вода ставете неколку лажици сода бикарбона, останете во кадата околу 20 минути и вашата кожа ќе се смири. Додавањето шолја овес во бањата исто така ја смирува иритацијата и помага за кожата да ја задржи природната влажност.
Многу е важно додека сте во бањата дури и по излегувањето да не ја триете кожата, само лесно тапкајте со крпа.
Алое вера
Доколку немате алое вера во вашата куќа, добро би било да ја набавите. Гелот кој се наоѓа во ова сочно растение се користи со векови за различни заболувања, од стомачни тегоби до инфекции на бубрезите и многу е ефикасно при изгореници. Доколку не можете да го најдете растението, пробајте гел кој содржи 100 проценти алое вера, кој можете да го најдете во повеќето аптеки.
Чај од камилица
Чајот од камилица може да го смири вашиот дух, но исто така ја смирува и кожата изгорена од сонце. Направете силен чај, оставете го да се излади. Кога ќе биде готов, натопете го во крпа и нанесете го на погодената област.
Ако сте алергични на полен, не треба да го користите овој третман, бидејќи може да предизвика алергиска реакција на вашата кожа.
Носете широка облека
Додека вашата кожа сама се поправа, задолжително носете облека што не се лепи за кожата. Вашата кожа е најголемиот орган на вашето тело, па затоа дадете и малку простор да здивне додека заздравувате од изгореници.
Природните влакна, како што се памукот или бамбусот, се најдобри облоги за изгореници.
Пиј многу вода
Додека вашата кожа се обидува да се справи со оштетувањата од сончевите зраци, и треба влагата што ја изгубила за време на престојот на сонце.
Ако веќе не пиете осум чаши вода дневно, непријатната изгореница треба да биде доволна причина за почеток.
Хидратантен крем
Една од најважните работи што можете да ги направите за да спречите лупење на кожата, или барем да го сведете на минимум, е редовно да нанесувате хидратантна крема на погодените области.
Користете хидратантна крема без мирис и боја (за чувствителна кожа) за да ја намалите иритацијата на минимум.
Ако изгорениците се премногу болни, можете да земете малку ибу профен. Треба да бидете покриени и следниот пат кога ќе излезете надвор, за изгорениците да не се изложуваат уште повеќе на сонце. Не заборавајте да се јавите кај вашиот лекар ако изгорениците од сонце предизвикуваат треска или ако покажувате знаци на дехидрација.
Запомнете, најлесниот начин за смирување на кожата од изгореници е да ги избегнете.
Кисело или слатко млеко
Веројатно најпознат и најстар народен лек за изгореници е млекото, без разлика дали е кисело или слатко. Се смета и за еден од најефикасните начини за намалување на црвенилото по сончањето, а неговата тајна е во тоа што млечните протеини создаваат заштитен слој на иритираната кожа, кој исто така го разладуваат.