Апликацијата Rakuten Viber воведе нова функција за запознавање која им овозможува на корисниците да запознаат нови луѓе.
Функцијата Viber Dating е достапна за верификувани корисници и нуди безбедно и приватно искуство за запознавање.
Функцијата Viber dating која се воведува во чест на претстојниот празник на љубовта, претставува пионерски потег меѓу апликациите за размена на пораки, бидејќи им овозможува на корисниците иновативно и интуитивно решение за запознавање и поврзување во безбедно опкружување, соопшти Rakuten Viber.
Профилот за запознавање е одделен од главниот Viber налог, а комуникацијата може лесно да се префрли на главната апликација за понатамошно градење на односите.
Првиот чекор кон наоѓање на сродната душа е креирање на профил за запознавање.