Затнувањето на порите претставува голем естетски, но и козметички и здравствен проблем, кој не може да се остави да помине сам од себе.
За среќа, постојат многу козметички производи, но и алтернативни природни начини да ги исчистите порите и вашиот тен да изгледа изедначено и блескаво.
Магдоносот е растение што има својство да ги стеснува порите. Сварете силен чај од магдонос, оставете го да се олади и потоа потопете памучна крпа во него. Држете ја крпата на лицето 15-20 минути.
Исто така, можете да применувате и третман со пареа за проширување на порите. Додадете магдонос во водата и парете го лицето 10 минути.
Благодарение на магдоносот нечистотиите многу полесно ќе излегуваат и нема да има потреба да применувате голема сила во истиснувањето.