Антуриум е род од околу 1000 повеќегодишни растенија со потекло од Северна и Јужна Америка, како и Карибите.
Многу од нив се одгледуваат на отворено во тропска клима, но често се чуваат и како собни растенија или во стакларници поради нивните специфични потреби за нега.
Исто така тие се нарекуваат и цветови фламинга поради своите едноставни цветови кои вообичаено се огнено-црвени, бели и зелени.
На антуриумот му е потребна многу голема влажност и топлина за да може да опстои.
Нега на антуриум
Светлина
Антуриумот повеќе сака сонце отколку сенка, но преголемото изложување на директна светлина може да му ги исуши лисјата, додека недоволното осветлување може да предизвика побавно растење на стеблото и цветовите. Просторот со висока влажност, како што е бањата е добар избор за поставување на ова растение.
Земјиште
Антуриумот расте слично како и орхидејата, така што земјиштето треба да биде добро дренирано за да ја обезбеди соодветната циркулација на воздух околу коренот на растението. Посадете го ова растение во саксија со добра дренажа со мешавина за орхидеи и собни растенија во размер 50:50.
Полевање
Земјата треба да ја одржувате влажна и никогаш да не дозволите да се исуши целосно. Доколку растението го одгледувате во внатрешноста на домот, полевајте го околу еднаш неделно или кога врвот од земјата е сув на допир.