Во Лондон, во престижната Burlington Arcade, луксузна шопинг галерија од 1818 година, е отворен првиот бутик-бар 007, совршено место за уживање во омилениот коктел на тајниот агент, Бонд, Џејмс Бонд.
Во внатрешноста доминира специјален Бонд тепих на кој се напишани негови цитати од филмовите, додека три златни, рачно изработени автомобилски скулптури висат над посетителите, во чест на легендарниот Астон Мартин ДБ5.
Овој автомобил, познат по додатоците за MI6 како димна завеса и катапулт, беше ѕвезда во осум филмови.
Барот нуди и многу автентични сувенири на Бонд. Посетителите ќе можат да видат експонати кои никогаш не биле изложени, вклучувајќи златна шипка од Форд Нокс, капата на ликот Оџаб, чевлите на ликот Голдфингер и часовник со дупка за шпионирање.
Изложени се и два златни Bond часовници: „Omega Seamaster Diver 300M Commander’s Watch“ од 2017 и „Seamaster Diver 300M James Bond Limited Edition“ од 2019 година, кој е направен за да ја одбележи 50-годишнината од филмот „On Her Majesty’s Secret Service“.
За совршен празничен подарок, бутикот 007 нуди ексклузивни колекционерски предмети, како што се луксузен календар за 2024 година, отпечатоци во рамки со ограничено издание и луксузни комплети со шампањ и две чаши.
Во барот има два шанка кои служат коктели создадени во соработка (меѓу другите) со брендот Bollinger – кој е омилениот шампањ на Џејмс Бонд, пишува NY Post.