Напаѓачот кој вчера уби еден припадник на Федералната служба на безбедност и рани уште пет лица кај седиштето на таа служба во Москва, бил член на еден стрелачки клуб, пренесоа денес руските медиуми.
Тој е убиен и идентификуван, но руските власти не го соопштија неговиот идентитет.
Но телевизијата РЕН и дневникот Комсомолскаја Правда јавуваат дека станува збор за Евгениј Манјуров (39) жител на Подољск, предградие на Москва.
#Лубянка #Стрельба #Теракт https://t.co/Iv5rNjIrUf
— Philipp Talanov (@Talanov1) December 20, 2019
Велат дека Манјуров работел во фирма за приватно обезбедување и дека вежбал гаѓање. Поседувал помал арсенал пушки и пиштоли и учествувал во натпреварувањата во стрелаштво.
Полицијата утрово го пребарала станот во кој живеел со мајка му, наведува Ројтерс.