Навивач на Челзи уапсен за расизам по натпреварот со Тотенхем

Еден навивач на Челзи е уапсен за расистички скандирања против Хјун-Мин Сон од Тотенхем за време на дербито во неделата, објави „Скај Спортс“.

Самиот фудбалер на „петлите“ не ги слушнал навредливите извици од трибините, но други навивачи на Челзи ги известиле официјалните лица. Во вториот дел, репрезентатвецот на Јужна Кореја беше избркан, откако го удри Антонио Рудигер. Информациите се прилично изненадувачки бидејќи навивачите на Тотенхем се очекуваше да бидат казнети за расистички скандирања токму кон Антонио Рудигер.

За нив стана јасно за време на натпреварот, при што судијата го активираше протоколот да реагира во вакви ситуации, а најавувачот на стадионот трипати ги повика овие навивачи да престанат со ова однесување. Сепак не се дојде до прекратување на натпреварот.

Во моментот 6 навивачи се уапсени, кои присуствувале на натпреварот, а само еден за расистички скандирања. Рудигер ги повика властите да ги пронајдат и казнат одговорните за она што се случи за време на натпреварот во англиската Премиер лига.

Потсетуваме дека Мин Сон беше избркан поради фаул против Рудигер, но Тотенхем реши да поднесе жалба на црвениот картон.

Ознаки:

ПОВРЗАНИ ВЕСТИ

e