Три лица биле пронајдени починати на различни локации во Скопје во текот на завчерашниот ден, информираа од Министерството за внатрешни работи.
Првиот случај бил пријавен во утринските часови во селото Кучково, каде под патничко возило „Опел“ било пронајдено телото на 67-годишен жител на Волково. Лекар од Итната медицинска помош констатирал смрт, а по наредба на јавен обвинител телото било испратено на обдукција.
Подоцна во текот на денот, во хотелска соба на подрачјето на Бит Пазар бил пронајден починат 63-годишен државјанин на Турција кој престојувал во земјава. Лекар констатирал смрт, при што не биле забележани видливи траги на насилство. По наредба на обвинител, телото било предадено на обдукција.
Третиот случај бил регистриран во вечерните часови во дом на подрачјето на Центар, каде бил пронајден починат 69-годишен маж. И во овој случај, според првичните информации, не биле забележани видливи траги на насилство.
За сите три случаи бил извршен увид, а причините за смртта ќе бидат утврдени по завршувањето на обдукциите.