Во белиот дворец зад мене освен што бранат криминал и шират лажни вести, се директни противници на раст на платите.
Синоќа, членот на Извршниот комитет на ВМРО-ДПМНЕ Трајко Славевски неколку пати порача минималната плата да не се покачува.
Научени на грабање од граѓаните, ВМРО-ДПМНЕ не сакаат парите да завршуваат кај граѓаните, туку се научени парите да завршуваат во белиот дворец зад мене.
Сега е јасно зошто ВМРО-ДПМНЕ со години не ја покачуваше минималната плата.
Сега е јасно дека заради таквите политики на ВМРО-ДПМНЕ илјадници млади секоја година ја напуштаа државата.
За разлика од нив, СДСМ ги покачува платите во сите сектори. Минималната плата денес изнесува 12.507 денари и е еднаква во сите стопански гранки.
Денес реализираме мерки и политики што ги задржуваат младите дома. Градиме систем што обезбедува нови работни места и повисоки плати.
Додека ВМРО-ДМНЕ е научена само на земање, СДСМ преку бројни мерки и политики ги враќа парите кај граѓаните и обезбедува повисок животен стандард.
Како одговорна партија, продолжуваме со реализација на мерките што обезбедуваат економски раст и повеќе пари во семејните буџети, истакна Стефан Васев од СДСМ.