Гордана Јанкулоска, долгогодишната министерка за внатрешни работи во чие време без да се почитува презумпцијата на невиност и пред камерите на провладините телевизии се апсеа голем број на граѓани и за најситни дела кои потоа судовите без релевантни докази од обвинителствата ги ослободуваа од одговорност, сега истата таа личност бара како што вели:
– СЈО да исполнува минимум критериуми за да се појавам на распит, односно да ми бидат приложени доказите.
Јанкулоска во случајот “Тврдина” е осомничена дека учествувала во уништување на два системи за следење на комуникации на 27. март минатата година.