СДСМ: ВМРО-ДПМНЕ 11 години се богатеше, а ги игнорираше и дискриминираше работниците

Лицемерието на ВМРО-ДПМНЕ нема граници. Цели 11 години ВМРО-ДПМНЕ градеше лажен барок, скапоцен бел дворец, палми и го богатеше врвот на партијата, а граѓаните и работниците осиромашуваа и тонеа во сиромаштија.

ВМРО-ДПМНЕ нема никаков кредибилитет да зборува за плати и грижа за работниците.

Со години не ја покачуваа минималната плата, а дозволија вработените во текстилната и чевларската индустрија да земаат плата помала од законскиот минимум и да бидат дискриминарани.

Згора на тоа, вчера, јавно, членот на Извршниот комитет на ВМРО-ДПМНЕ Трајко Славевски неколку пати порача минималната плата да не се покачува.

За разлика од ВМРО-ДПМНЕ, СДСМ е на страната на граѓаните и работниците.

Минималната плата денес изнесува 12.507 денари и е еднаква во сите стопански гранки а се отвора процес за ново зголемување на минималната плата.

Очигледно е дека ВМРО-ДПМНЕ е заглавена во груевистичката матрица и е навикната на земање пари од граѓаните, за разлика од нив Владата предводена од СДСМ продолжува со реални и вистински мерки кои од една страна ги намалуваат трошоците, а од друга страна ги враќаат парите во семејните буџети на граѓаните.

ПОВРЗАНИ ВЕСТИ

e