Случувањата во секторот земјоделие ја прелеа чашата на трпението. Министерот Цветан Трипуновски одамна нема авторитет ниту контрола што се случува во самото министерство и надлежните агенции, како и во состојбите на терен, реагираат од ЛЕВИЦА.
Министерувањето на Цветан го одбележаа скандалите со корупција и мито на високи функционери во министерството и платежната агенција, како и колабирање на секторот и зависност од увоз:
Васе Анакиев – директор на инспекторатот за земјоделие, фатен со мито;
Илија Стоилев – директор, Јасмина Костадинова и други лица вработени во платежната агенција, фатени со мито;
Стопирање на ИПАРД исплатите;
Немањето на пари за исплата на заостанати и тековни субвенции;
Неоткупениот тутун од ланската реколта;
Намалувањето на откупната цена на млекото од 33 на 25 денари и екстремниот пад на сточниот фонд;
Мизерните откупни цени на младиот компир и кромидот на почетокот на сезоната од 25 денари и на кромидот од 15 денари;
Непродадена оризова арпа и зимна зелка,
Најавата од винариите дека нема да откупуваат винско грозје вранец оваа сезона,
Проблемите со водоснабдувањето на лозовите насади;
Распределбата на државното земјоделско земјиште на олигархијата;
Жените земјоделки оставени без платено породилно отсуство;…
Во исто време имаме енормна инфлација и милијарда потрошени евра на увоз на храна од странство, која се продава во ланците супермаркети.
Бидејќи состојбите се веќе неодржливи за домашните земјоделци и нашето производство на храна, бараме итна оставка од министерот Цветан Трипуновски, стои во партиското соопштение од ЛЕВИЦА.