“На 24.03.2017г.(петок) со почеток во 11:00 часот во хотел Кратис-Кратово, ќе се одржи тркалезна маса на тема ”Улогата на Месните и Урбаните заедници во процесот на носење одлуки”.
На настанот се поканети: претставници од Министерството за локална самоуправа, Североисточниот плански регион, ЗЕЛС, претставници од Единиците на локална самоуправа, Советите на општините, од Центар за развој на локална демократија – Скопје, ЦСИД Форум – Скопје, претставници од Месните самоуправи од 5-те Општини кои беа опфатени со овој проект Кратово, Крива Паланка, Ранковци, Пробиштип и Старо Нагоричане, како и членови од цивилниот сектор кои работат на оваа тема.
Тркалезна маса ja организира Здружението “Регионален центар за одржлив развој” Кратово во рамките на проектот “Месните заедници-основна клетка во процесот на демократско одлучување”, кој се имплементира од Август 2016 до Март 2017 година.
Основна цел на проектот е да се направи сондажа за нивото на функционалност и поставеност на облиците на месна самоуправа, да се зголеми и подобри степенот на проактивност и мобилност на месните и урбаните заедници како и да се зголеми учеството на граѓаните при носење одлуки на локално ниво.
Како очекувани резулати од имплементација на проектот се:
Да се зголеми и подобри видливоста во функционирањето на облиците на месните и урбаните заедници и нивно системско делување;
Да се промовираат облиците на учество на граѓаните во носењето на одлуки;
Да се зголеми вклученоста на граѓаните при изборот на приоритети во локалната заедниваца и развојот на ефективни стратегии на соработка;
Да се зголеми вклученоста на граѓаните во процесот на носење одлуки и
Да се зголеми отчетноста и транспарентноста на ЕЛС при трошењето на буџетски средства.
По завршување на конференцијата, ќе се креира сумарен извештај со заклучоци кој ќе биде доставен до сите заинтересирани страни во проектот и надлежни институции.” – стои во најавата од Здружението „Регионален центар за одржлив развој“ – Кратово.
Во продолжение е целосната агенда за настанот: