На меѓународниот Ден на медицинските сестри, вицепремиерот задолжен за борба против корупцијата и криминалот, одржлив развој и човечки ресурси, Љупчо Николовски се сретна со медицинските сестри вработени во Струшката Општа Болница.
„Лично и од срце им изразив благодарност за нивната пожртвувана, храбра и несебична работа, за нивниот придонес за здравјето на граѓаните, особено во борбата против пандемијата со коронавирусот. Симболичната донација е за носителите на главната улога во оваа пандемија“, истакна Николовски.
Според него, трудот на медицинските сестри денеска е ценет како никогаш досега.
„Оваа Влада, започнувајќи од 2018 година до денес, неколкукратно ги зголеми платите на медицинските сестри“, потенцира Николовски.
„Ви благодариме за придонесот во ова комплексно време и нека ви е честит денот!“ – порача вицепремиерот Николовски.
