Турската компанија „Истем Медикал“ се откажа од инвестицијата во земјава, а државата го раскина договорот со компанијата лани во август кога утврди дека се надминати сите рокови за почеток на градба на погонот.
Раскинувањето на договорот го потврди и Комисијата за заштита на конкуренцијата која по предлог на Агенцијата за странски инвестции од почетокот на минатата година го поништи решението за оцена на државната помош која требало да ја добие турскиот инвеститор. Причина за ваквото решение била тоа што инвеститорот ги пробил роковите за изградба на инврестицијата во зоната во Илинден за која платил и закуп на земјиштето.
Инвестицијата на оваа компанија во општина Илинден беше најавена во 2014 година, а во 2015 година турската компанија требаше да почне да го гради погонот.
Беше најавено дека турскиот инвеститор ќе инвестира 10 милиони евра и ќе вработи во прво време 150 лица, а по неколку години планираме бројката да достигне до 250 вработени.
Извор: Плусинфо