Кошаркарите на Лос Анџелес клиперс му го нанесоа третиот пораз на Бостон селтикс оваа сезона, откако утрово беа поуспешни со 107:104. Победникот во „Стејплс центар“ во ЛА беше решен по дополнителни пет минути, бидејќи основните 48 минути завршија со нерешен резултат 97:97.
Лук Вилијамс со 27 поени беше најефикасен во домашниот тим, кај гостите од Бостон се истакна Џејсон Татун со 30 поени.
По поразот на Бостон, Милвоки е нов лидер во Источната конференција со биланс 11-3, исто колку што имаат и селтикс.
На Запад, прв е ЛА лејкерс со 12-2, пред Денвер кој има 10-3 и Хјустон со ефект 11-4.