Министерот за здравство Венко Филипче денеска оствари работен состанок со вицепремиерот за борба против криминал и корупција Љупчо Николовски на кој разговараа за измената на Законот за здравствена заштита.
„Измените на Законот за здравствена заштита се однесуваат на утврдување на највисоки цени што приватните болници ќе може да ги наплаќаат на ковид пацинетите кои здравствената услуга ја плаќаат со лични средства“, рече Филипче по состанокот.
„Предлогот на Законот е цените во приватните болници да бидат изедначена со рефернтните цени утврдени од Фондот, односно дијагонстицирање и лекување на ковид пациенти да се движи од 40.000 до 305.000 денари. Ова е заклучокот на ГККШ, предводен од претседателот на Владата Зоран Заев, кој предлог утре ќе се најде на седница на Влада.“ – информираше министерот за здравство.
