“Денеска до ОЈО Крива Паланка поднесовме кривична пријава против директорот ЈП Комуналец, Томе Тодоровски, кадар на ВМРО-ДПМНЕ.
Основано се сомневаме дека Тодоровски сторил кривично дело, злоупотреба на службена должност.” – изјави Бпрјанчо Мицевски, претседател на ОО СДСМ Крива Паланка.
Тодоровски само во првите 6 месеци од 2016 година потрошил 245 илјади денари по кафеани и ресторани во Скопје, Куманово, Свети Николе, Пробиштип, Виница, Прилеп, но и во Врање, Белград, Виена, Софија, Врњачка Бања, Предејане и многу други.
Со пари на граѓаните, директорот си купувал и фен, пегла за коса, душек…
Тодоровски ја зголеми цената за комунални услуги од 250 на 1000 денари за едно просечно 4 члено семејство.
Додека граѓаните плаќаат 4 пати повисоки сметки, Тодоровски нивните пари ги троши по кафеани и ресторани.
Наместо цела недела да молчи и да се крие, Тодоровски веднаш да си поднесе оставка и да се соочи со одговорноста за незаконското работење. – додаде Мицевски.