СДСМ од утре започнува караван на отворени, јавни трибини со граѓаните под слоганот „На прав пат“ ширум републиката.
Штип ќе биде првиот од градовите и населените места во земјава кој ќе биде домаќин на претседателот на СДСМ и претседател на Влада, Зоран Заев, но и бројни партиски членови, симпатизери и граѓани. Трибината ќе се одржи во Центар за култура „Ацо Шопов“ со почеток во 13:00 часот.
„Избравме пат што ни гарантира подобро утре, се движиме во вистинска насока и ги оставаме проблемите зад нас. Се движиме на пат кој носи раст на платите, градежна офанзива и пари кај граѓаните.Се движиме на пат што значи слобода, безбедност и сигурност – се движиме на пат до НАТО и ЕУ!“ – порача денес на прес конференција Александар Кангалов, претседател на ОО СДСМ Штип.
Социјалдемократскиот Сојуз на Македонија ги интензивира активностите и средбите со граѓани во периодот што следува. Сите структури на партијата се ставени во функција на граѓаните. Како што доликува на државотворна, модерна, европска партија, ние сме меѓу граѓаните постојано, а не само пред или за време на избори. – велат од владејачката.
Кангалов ги покани граѓаните да се приклучат на вистинскиот, на правиот пат, заедно, за економски раст, напредок, интеграција, повеќе пари и повисок животен стандард за сите граѓани.