Магазинот „People“ го избра актерот Двејн Џонсон, кој ја понесе титулата за Најсекси маж за 2016 година.
Тој од неодамна се најде и прв на листата на најплатени актери во Холивуд, па се чини дека ова е негова година.
44-годишниот The Rock, за насловната позираше во едноставна бела маичка која ги истакна неговите славни мускули и пар фармерки.
Во искрено интервју за магазинот тој открива: „Стигнав до момент во животот кога сум поискусен како маж и татко. Имам поминато низ подеми и падови во животот: врски и брак, развод, но најважниот елемент е љубовта и таа е многу важна. Научив дека кога љубиш, треба да љубиш моќно. Па, кога ќе ти кажам дека те сакам, тоа навистина е така“.
Исто така тој гостуваше и во шоуто на комичарката Елен Деџенерис, каде отворено зборуваше за неговиот однос со неговите ќерки. Водителката го почести со посебен третман и подготви уникатна најава за него, со што за прв пат објави за неговата нова титула.
„Сеуште станувам во 4 часот наутро и напорно тренирам, го шетам кучето, ги носам децата на училиште.“ – изјави актерот.
По повод титулата за Најсекси маж тој изјави: „ Секси не е нешто што се трудам да бидам, тоа си доаѓа природно кога се чувствуваш удобно во своја кожа. Почестен сум со титулата и им благодарам на фановите за љубовта која ми ја пружаат.“
