Без разлика дали сте имале „многу тешка настинка“ оваа зима или неодамна сте се бореле со кашлица која не престанува, природно е да се прашувате дали можеби сте имале COVID-19 без да бидете свесни за тоа. Oсобено сега кога експертите за инфективни болести велат дека вирусот веројатно веќе се ширел пред градовите да започнат да се „заклучуваат“ и пред да бидат преземени мерки за спречување на ширењето на вирусот.
Како што поминуваа неделите, стана очигледно дека ова е вирус кој е раширен низ нашата земја, особено во понаселените области, порано отколку што мислевме, вели д-r Вилијам Шефнер, специјалист за инфективни болести и професор на медицинскиот универзитет Вандербилт.
Па, дали можевте да добиете COVID-19 без да знаете за тоа? Тоа е можно.
Покрај тоа, некои луѓе немаат никакви симптоми – до 40% од ваквите инфекции, според проценките на Центрите за контрола и превенција на болести (CDC).
Експертите велат дека некои знаци може да бидат сигнали дека можеби веќе сте имале ковид -19. Еве неколку од нив:
Имавте „јака настинка“
На почетокот на пандемијата, луѓето веруваа дека COVID-19 не започна да се појавува во некои земји до крајот на февруари или март. Новото истражување на Универзитетот во Тексас го посочува спротивното. За истражувањето, научниците анализирале брисеви од грло земени минатата зима од луѓе кои се сомневале дека имаат грип. Овие брисеви беа земени во Вухан, Кина и Сиетл, Вашингтон.
Истражувачите откриле дека на секој втор случај на грип, имало еден случај на COVID-19. Како резултат, тие веруваат дека COVID-19 веројатно пристигнал во САД околу Божиќ.
Во еден момент го губите чувството за мирис или вкус
Губење на сетилото за мирис и вкус е одлика на COVID-19. Иако овој симптом не се јавува кај сите, кај другите. Адалџа посочува дека тој сега е цврсто поврзан со новиот коронавирус.
Важно е да се знае: Можно е привремено да ги изгубите овие сетила за време на други респираторни состојби, како што се настинки, грип, синусни инфекции или дури и за време на сезонски алергии. Но, експертите истакнуваат дека овој симптом, дури и по закрепнувањето од COVID, кај некои луѓе може да опстане и да трае со месеци.
Необјаснето опаѓање на косата
Иако овој симптом не е широко проучен, многу луѓе кои се опоравиле од коронавирусот, пријавуваат проблеми со опаѓање на косата. Актерката Алиса Милано, која со месеци страдаше од симптоми на COVID-19, на почетокот на август го сподели своето видео на Instagram, каде што покажа со какво опаѓање на косата се соочува.
Ве остава без здив
Студија објавена во списанието ЈАМА откри дека луѓето со коронавирус можат да ги почувствуваат ефектите на вирусот, вклучително и отежнато дишење. Не е целосно јасно зошто се случува ова или колку долго може да трае, но веројатно се должи на трајна пневмонија.
Ова е едно од познатите долгорочни ефекти кај луѓето со дијагностициран COVID-19, вели д-р Шефнер. Ако го чувствувате ова, можеби болеста што ја имавте претходно беше всушност ковидна болест.
Кашлица што не престанува
Продолжената кашлица е уште еден симптом пријавен од луѓе кои учествувале во студијата. Кашлицата е често сува, што значи дека со неа не се појавува ништо, како слуз. Ова е прилично чест симптом: податоците на CDC откриле дека 43% од луѓето кои имале COVID-19 сепак кашлале од 14 до 21 ден откако добиле позитивен тест за вирусот.
Навистина сте многу уморни
Според студијата на ЈАМА, ова е еден од најчестите долгорочни симптоми откако едно лице ќе преживее COVID-19. Ова го покажа и истражувањето кое откри дека 53% од пациентите рекле дека се борат против заморот дури 60 дена откако првпат ги почувствувале симптомите на вирусот. Имајте на ум дека заморот е навистина чест проблем и може да биде знак на многу различни здравствени проблеми (вклучувајќи, се разбира, недоволен сон).