Поздрави палачинки од овие за кои пишуваме денеска – нема. Нивната главна состојка ќе ве натера уште повеќе да ги сакате.
Потребни состојки:
– 100 гр. овесни снегулки
– 100 гр. брашно
– 120 мл. млеко
– банана
– две јајца
– две лажици мед
– пола лажица ванилен шеќер
– половина лажица прашак за пециво
– малку сол и сода бикарбона
– 50 гр. растопен путер
Исто така, потребни ви се и:
– 100 гр. малини
– јаболки
– 50 гр. јагоди
– банани
– 50 гр. бадеми
Начин на подготовка:
Згмечете ја бананата со вилушка, додадете јајца и изматете, па додадете ги брашното, овесните снегулки, растопениот путер, млекото, прашакот за пециво, ванилниот шеќер, содата, солта и медот. Сето тоа убаво соединете го и оставете го да отстои 15 минути.
Во тавче загрејте малку масло, па печете ги палачинките на умерена температура додека не поруменат од двете страни. Украсете ги со овошје и бадеми и послужете.