Чизкејкот отсекогаш бил популарен десерт затоа што брзо се подготвува и речиси не постои човек којшто не сака да го јаде.
Домаќинките најчесто го подготвуваат со малини или јагоди, а ние ќе ви го пренесеме рецептот со лимон.
Чизкејкот со лимон ќе ве воодушеви затоа што комбинацијата на вкусови е навистина неодолива.
Состојки:
– 300 грама мелени бисквити;
– 150 грама путер;
– 2 лимони;
– 400 грама крем-сирење;
– 200 грама слатка павлака;
– 100 грама шеќер во прав.
Состојки за прелив од лимон:
– 2 јајца;
– 2 жолчки;
– 150 грама шеќер;
– 100 грама путер;
– 1 лимон.
Подготовка:
Путерот ставете го на оган да се стопи, а потоа во него помешајте ги бисквитите.
Во плех на којшто сте ставиле хартија за печење рамномерно распоредете ја смесата од бисквити, цврсто притиснете ја и оставете ја на ладно место.
Кората од еден лимон изрендајте ја, па исцедете го сокот.
Павлаката изматете ја, па додадете го шеќерот, крем-сирењето и изренданата кора од лимон. Добиената смеса распоредете ја над кората од бисквити и ставете ја во фрижидер.
За тоа време подгответе го кремот од лимон.
Со миксер изматете ги јајцата, па додадете ги жолчките и шеќерот. Ставете ги во тенџере и варете на умерена температура. Кога смесата ќе се загрее, додадете го сокот од лимон и путерот, па варете додека не згусне.
Кога е готово кремот оставете го да се излади, па потоа ладниот чизкејк премачкајте го со него.