Водата и конзервансите се големо не во овој вкусен, домашен, докажан рецепт
Вишните се меѓу најздравите овошја во светот бидејќи содржат многу корисни материи, пожелно е да се консумираат во текот на целата година, а ние ви го предлагаме идеалниот начин да ги зачувате за зимата, без да ги изгубите нивните здрави состојки!
Одличен е и како лек и како освежување, а се прави без вода и конзерванси!
Состојки: 10 л цеден сок од вишни, 10 кг кристален шеќер, 7 кесички сок од лимон.
Подготовка: Вишните исчистете ги од листовите, стебленцата и расипани плодови, па добро измијте ги и исцедете го вишокот вода. Префрлете ги во сад каде што ќе можат да стојат 24 часа (можеби и малку пократко), па добро изгмечете ги, за целосно да се одвои месото од црешата од семките. Додадете 3 кесички сок од лимон, промешајте, покријте и оставете на ладно место.
Кога ќе отстојат доволно, вишните процедете ги во цедалка, а притоа притиснете ги за да излезе што повеќе месо и сок низ дупките во садот. Потоа следува уште едно цедење низ густа газа, со лажичка собирајте го насобраниот талог на газата за да може да помине сокот. Повремено измијте ја газата за полесно да поминува сокот.
Месото од вишната оставено во газата можете да го искористите за да направите џем.
Сега измерете ја точната количина на сок во литри и на таа мерка додадете шеќер и сок од лимон. Погрижете се веќе да ставите една количина сок од лимон, па сега само додадете ја разликата.
Добро промешајте и мешајте на секои 15 минути додека шеќерот не се растопи и се соедини со сокот. Во одреден момент, на површината ќе почне да се акумулира блага пена и сето тоа треба да го соберете. Кога ќе ја снема пената, сокот е готов.
Сега можете да ги наполните шишињата и цврсто да ги затворите. Многу е важно шишињата и капачињата да се чисти, стерилизирани и ладни.
Пополнетите шишиња чувајте ги на темно и по можност ладно место (подрум, оставата, кујна…)
Кога сакате сок, отворете го шишето, направете сок по ваш вкус и ставете го шишето во фрижидер. Од 10 литри исцеден сок од вишни и додаден шеќер ќе добиете 15 литри сируп, а од тоа десетици литри здрав сок!