Предолгото спиење може да му наштети на телото, верувале или не
Повеќето од нас сонуваат за тоа секој ден да се будат без аларм, наспани и опуштени. Но, верувале или не, премногу сон му штети на телото.
Еве што се случува со телото ако претераме со спиење…
1. Веројатно постојано ќе се чувствувате исцрпено
Чудно, но премногу сон нема да направи да се чувствувате освежено и енергично. Напротив, ќе чувствувате умор и неспособност да направите што било. Препорачаната количина на сон е помеѓу 7-9 часа за возрасни. Ако спиете повеќе од тоа, вашиот мозок се замаглува, поради што нема да можете да се фокусирате.
2. Главоболката ќе биде неиздржлива
Ова е вообичаен знак на прекумерно спиење, предизвикан од погрешната работа на невротрансмитерите. Премногу сон обично доведува до неиздржлива главоболка. Освен тоа, ако ’рчите, постои поголема веројатност дека ќе се разбудите со главоболка. Истражувањето покажало дека 60 отсто од луѓето кои ’рчат се склони на главоболки.
3. Хроничните болести може да се влошат
Премногу честото и предолгото спиење ја влошува хроничната депресија и другите состојби, како што е болката во грбот. Покрај тоа, ако имате тенденција да се гушите во текот на ноќта (познато и како апнеја за време на спиење), можеби ќе останете подолго во кревет поради лошиот квалитет на сонот. Како последица на тоа, може да ви се влошат срцевите состојби.
4. Лесно ќе се нервирате
Наместо да се чувствувате среќни и полни со енергија, поголема е веројатноста дека ќе се разбудите мрзоволни и нерасположени. Кога ќе се разбудите уморни и ќе сфатите дека не можете да бидете продуктивни како што би сакале, ќе ви се расипе расположението и тоа ќе ве направи пораздразливи и лути.
5. Ќе стареете побрзо
Не само што така вашето лице старее побрзо, туку и вашиот мозок. Се проценува дека мозочните клетки можат да станат и 2 години постари. Предолгото спиење предизвикува и проблеми со помнењето и концентрацијата. Покрај тоа, прекумерното спиење го забавува метаболизмот и предизвикува покачување на телесната тежина. Како што е познато, колку што сме постари толку нашиот метаболизам е побавен.