Азијките важат за жени кои исклучително ги почитуваат своите ритуали поврзани со негата на кожа, но една работа во нивните рутини за убавина опстојува и веќе со векови е незаменлива – оризовата вода.
Оризот е намирница која широко се користи во исхраната на луѓето, но неговите благотворни дејства на кожата долго време биле ексклузивитет само за жените од тоа подрачје.
Но, зошто водата од ориз е толку добра за кожата? Таа го избелува и изедначува тенот, ги намалува проширените пори, го забавува стареењето на кожата, ги отстранува флеките од сонце и лузните, ја омекнува кожата, ја хидрира и ја прави поотпорна.
Освен за кожата на лицето, оризовата вода е многу корисна и за кожата на телото, главата и за косата.
Оризовата вода се прави на следниот начин: ставете ориз во еден сад и полејте го со вода во однос 1/3 (ориз 1, вода 3). Варете го на тивок оган половина час, а потоа оставете да се излади и процедете ја водата која преостанала во садот.
Натопете неколку туфери во оризовата вода и распоредете ги по сите делови на лицето (можете да ставите неколку и на вратот) и оставете да отстојат половина час. Потоа измијте го лицето со млака вода.
Третманот може да го практикувате еднаш неделно, а вашата кожа ќе биде поблескава, позатегната и поздрава.