Легендарниот Луис Назарио Де Лима Роналдо беше доста актуелен во изминативе 24 часа поради обраќањето кое го имаше во емисијата на „Мовистар +“, преку кое покрај тоа што успеа да ги испровоцира фановите на Барселона, испрати и позитивни коментари за Зинедин Зидан кого го окарактеризира како најдобар играч со кого играл во кариерата.
Ваквата констатација на неповторливиот бразилски напаѓач стана тема на разговор и на денешната прес-конференција која ја одржа тренерот на Реал, кој пак во голем стил му возврати на Роналдо за пофалбите кои пристигнаа од негова страна.
– Навистина многу го почитувам и го сакам Роналдо, тој е најверојатно најдобриот играч со кого сум играл во кариерата. Премногу го почитувам, ја имав среќата на целиот свет да играм покрај него во еден тим. Многу го почитував и кога ми беше противник на теренот и потоа кога го имав покрај мене во голем клуб како Реал. Нема ништо подобро од тоа да играте со најдобриот, – истакнал Зидан на прес-конференцијата по повод првенствениот натпревар во Примера меѓу Алавес и Реал кој е на програмата утре од 16:15 часот.