Во организација на Пингпонгарскиот клуб Крива Паланка 2007 во Крива Паланка се одржа првиот Телеком мастер турнир во пинг понг за сениори и сениорки категорија У 21. На турнирот учествуваа пингпонгари и пингпонгарки од целата држава кои првин преку групи а потоа и преку фаза на директни елиминации стигнаа до највисоките одличја на турнирот.
Улогите на фаворити и први носители во двете категории ги оправдаа Филип Костадиновски од ППК Крива Паланка 2007 од Крива Паланка во машка и Ива Димитриевска од ППК Рисови од Скопје во женска категорија.
Со максимален резултат од 3:0 во сите натпревари Филип Костадиновски најпрво во полуфиналето го совлада Теодор Волкановски од ППК Крушево од Крушево а потоа во финалето и Дамјан Стојчев од ППК Шампион ФА од Штип и со тоа го освои првиот Телеком мастерс турнир за сениори У21.
Малку понеизвесно беше во категоријата сениорки У21 каде Ива Димитриевска во полуфиналето во пет сетови со 3:2 ја совлада Сара С.Стојановска од ППК Крива Паланка од Крива Паланка а потоа и во финалето со 3:1 и Ана Стојановска исто така од ППК Крива Паланка од Крива Паланка, со што го освои турнирот во својата категорија.
Турнирот помина во одлична посетеност и организација на ППК Крива Паланка 2007 од Крива Паланка.
Конечен пласман
Сениори У21:
- Филип Костадиновски – ППК Крива Паланка 2007, Крива Паланка
- Дамјан Стојчев – ППК Шампион ФА, Штип
- Теодор Волкановски – ППК Крушево, Крушево
- Даниел Главевски Зхоу – ППК Мултитекс, Битола
Сениорки У21:
- Ива Димитриевска – ППК Рисови, Скопје
- Ана Стојановска – ППК Крива Паланка, Крива Паланка
- Сара С.Стојановска – Крива Паланка, Крива Паланка
- Бојана Михајловска – ППК Рисови,Скопје