Александар Коларов, дефанзивецот на Рома, ја отфрли можноста да се врати во Србија и да го облече дресот на Црвена звезда. Тој е дете на „црвено-белите“, но никогаш не заигра за сениорите. 33-годишниот лев бек планира да ја заврши кариерата во странство.
„Црвена звезда е одличен клуб, каде играв како дете. Сепак, немам амбиција да се вратам во српскиот фудбал. Планирам да ја завршам кариерата во странство“, посочиКоларов.
Договорот на Коларов со Рома завршува летото, но „волците“ се надеваат дека ќе го убедат повторно да потпише до 2022 година.
Дефанзивецот не брза со одлуката и ќе почека до крајот на сезоната.