Најтрофејниот германски клуб, Баерн Минхен објави дека го отпуштиле хрватскиот стратег Нико Ковач. Поранешниот хрватски селектор не преживеа по саботниот дебакл во 10. коло од Бундеслигата против Ајнтрахт Франкфурт (5: 1).
Тренерот на Ајакс, Ерик тен Хаг, потоа Жозе Мурињо, Масимилиано Алегри и Маурисио Почетино се само дел од споменуваните имиња како можни наследници на „Алијанц арената“.
После шокантната, но сепак очекувана смена, се огласи и самиот Ковач.
„Сметам дека ова е вистинска одлука на клубот во овој момент. Резултатите, како и начинот на кој игравме во последно време, ми укажаа дека ова е единствената опција“, рече хрватскиот стратег, додавајќи: „Мојот брат Роберт и јас се заблагодаруваме на Баерн за последната година и пол, помината во клубот. За тоа време, ги освоивме шампионатот, Купот и Суперкупот. Тоа беше одличен период. Му посакувам на клубот и на тимот се најдобро“, заклучи тој.