Вчера, во Крива Планка, својот завршен ТОП 8 турнир го имаа сениорите на возраст до 21 година.
Првото место го освои кривопаланчанецот Филип Костадиновски со максимален учинок од 7 победи од исто толку натпревари, додека втор беше Дамјан Стојчев од Шампион ФА.
Во одлучувачкиот меч за првото место Костадиновски го победи Стојчев со тесен резултат од 3:2 во сетови.
Нешто слично се случи и кај сениорките каде во неизвесен натпревар и со идентичен резултат како и кај машките од 3: 2, Ива Димитриевска од ППК Рисови го освои првото место победувајки ја во одлучувачкиот натпревар Ана Стојановска од ППК Крива Паланка, која заврши на втората позиција.
Третите места им припаднаа на Добринка Сотирова од ППК Градба Промет од Кавадарци во женска конкуренција и кај Даниел Зхоу Главевски од ППК Пелистер во машка.
Предходно, екипата на Вардар ја освои шампионската тутула за сениори во екипна конкуренција совладувајки го прилепски Младост со вкупен резултат од 3:1.
Со овие натпреавари заврши натпреварувачката сезона во првенството 2018/19.
Од 12 до 16 Јуни 2019 година во Скопје во СЦ Форца ќе се одржи Балканското првенство во екипна и поединечна конкуренција за кадети и за јуниори.