Ракометарите на Вардар продолжија да редат победи во СЕХА лигата со тоа што овој пат моќта на избраниците на Раул Гонзалес ја почуствува екипата на Татран Прешов.
„Црвено-црните“ во својот дом во СЦ „Јане Сандански“ имаа свое шоу во кое повторно беа блиску до бројката од 40 постигнати голови. Овој пат за разлика од дуелот со Целје (40-29), македонскиот шампион беше покус за два гола (38-21), но и ова издание ги потврди високите амбиции на вардаци во кампањата 2016/2017.
Голманот Милиќ запиша 16 интервенции, а прв стрелец беше Душебаев со шест голови од седум обиди. Рабек на спротивната страна со шест погодоци беше играч.
Следен противник на Вардар во Сеха ќе биде Горење од Словенија и тоа на 28 септември во Скопје.
За поврзани вести продолжете надолу